خاصخيلي، ملڪ محسن علي
ملڪ محسن علي خاصخيلي
ملڪ محسن علي خاصخيلي : محقق ۽ مترجم ملڪ محسن علي خاصخيلي 12 جون 1946ع تي ڳوٺ کاروڙي تعلقي ننگرپارڪر ضلعي ٿرپارڪر ۾ سانوڻ خاصخيلي جي گهر ۾ جنم ورتو. پرائمري تعليم پنهنجي ڳوٺ جي اسڪول مان حاصل ڪري 1964ع ۾ مئٽرڪ جو امتحان پاس ڪيائين. هن 1962ع ۾ اسڪائوٽنگ ٽريننگ پاس ڪري قائد اعظم اوارڊ پڻ ماڻيو. 1963ع ۾ سنڌي فائينل ۽ 1969ع ۾ بي.اي ڪيائين. 1964ع ۾ استاد مقرر ٿيو. 1974ع ۾ عالم پلي تعلقي عمرڪوٽ مان عالم فاضل جو امتحان پاس ڪيو. ان عرصي دوران هن فارسي ۽ عربي جو اڀياس ڪيو ۽ 76-1975ع ڌاري ننگرپارڪر ۾ چنديرام ڀاٽ کان هندي گجراتي سکيائين. ملڪ محسن عليءَ نوڪري دوران خاصخيلي ذات تي تحقيق جو ڪم شروع ڪيو، سندس پهريون ڪتاب ’تاريخ گلشن خاصخيلي‘ 1977ع ۾ شايع ٿيو. ان کانپوءِ سندس ڪتاب ’تاريخ خاصخيلي‘ 2011ع ۾ شايع ٿيو، جنهن ڪتاب تي کيس مڃتا اوارڊ ’حسن ڪارڪردگي‘ اوارڊ عطا ڪيو ويو. ان کانسواءِ سندس هيٺيان ڪتاب قلمي صورت ۾ آهن. (1) اقوام عالم، (2) اعتساب عالم، (3) بلوچ قبائل ترجمو، (4) ڪتاب الخيل ۽ (5) مارئي تحيقيق.
لفظ ملڪ محسن علي خاصخيليھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1946.06.12 عيسوي
محقق ۽ مترجم ملڪ محسن علي خاصخيلي 12 جون 1946ع تي ڳوٺ کاروڙي تعلقي ننگرپارڪر ضلعي ٿرپارڪر ۾ سانوڻ خاصخيلي جي گهر ۾ جنم
شخصيتون - ڀاڱي جون ٻِيون داخلائون
جوهر بروهيپٺاڻ آغا طارق
جارج اسٽيفنسن
ٿڌاڻي انيل
ذوالفقار شاهه
عبدالڪريم بوبڪائي مخدوم
مائي ڀاڳي
حبيب الله فڪري
نور محمد انڍڙ
ڄاموٽ شفقت حسين شاهه